Festë madhështore në Argjentinë. Shikoni kampionët me kupën në Buenos Aires
Nga OraNews Përditësimi i fundit 20 Dhjetor 2022, 08:45
Lionel Messi dhe Argjentina mbërritën në Buenos Aires.
Pritje madhështore për kampionët e Botës që festuan gjatë në aeroroprt e më pas në rrugët e qytetit me Kupën e Botës.
Ekipi kombëtar dhe trofeu i Kupës së Botës - të cilin ata e ngritën për herë të tretë të dielën e 18 dhjetorit-, u rikthyen në Argjentinë pas një fluturimi afërsisht 21 orësh rreth orës 2:20 të mëngjesit të së martës me kohën lokale.
Messi doli i pari nga avioni dhe ngriti triumfues në ajër trofeun e Kupës së Botës, më pas me trajnerin Lionel Scaloni përshëndetën tifozët që prisnin.
Të hënën, ai u bë personi i dytë në planet me mbi 400 milionë ndjekës në Instagram, duke iu bashkuar rivalit të vjetër Cristiano Ronaldo, i cili ka 518 milionë ndjekës.
Messi shtoi pesë milionë ndjekës të dielën dhe 20 milionë gjatë 30 ditëve të fundit, sipas Social Blade, një platformë analitike e mediave sociale.
Muajin më të madh të ndjekësve të rinj, konkretisht 20 milionë, e pati në gusht 2021 kur ai iu bashkua Paris Saint-Germain pas 18 sezonesh në Barcelonë.
Poll
Ndërsa fotoja e tij me Kupën e artë të Botës dhe ku shkruhej “KAMPIONË BOTE!!!!!!!” u pëlqye nga mbi 55 milionë njerëz dhe është gati të thyejë rekordin e të gjitha kohërave për pëlqimet në Instagram me një postim, që është 56 milionë në një postim të një veze të vitit 2019.
