I martuar me vajzën e tij e marrëdhënie seksuale në grup me të mitura, FBI publikon dosjen e udhëheqësit të kultit
Nga Ora News Përditësimi i fundit 5 Dhjetor 2022, 12:12
Një udhëheqës kulti në Arizona akuzohet se është martuar me më shumë se 20 vajza, shumica prej tyre nën 15 vjeç, duke përfshirë edhe vajzën e tij.
Një deklaratë e FBI-së e depozituar të premten në Uashington përmban akuza rrëqethëse kundër 46-vjeçarit Samuel Rappylee Bateman për incest, seks në grup që përfshin të rritur dhe fëmijë, disa deri në 9 vjeç - dhe trafikim të fëmijëve për shfrytëzim seksual.
Bateman drejtonte një degë të Kishës fundamentaliste Mormone të Jezu Krishtit të Shenjtorëve të Ditëve të Mëvonshme dhe është mbajtur në një burg të Arizonës që kur FBI bastisi dy shtëpitë e tij në Kolorado shtatorin e kaluar.
Policia po kërkonte prova për martesa me të mitur apo marrëdhënie seksuale mes të rriturve dhe fëmijëve.
Familja e Bateman i tha policisë në fillim të vitit 2019 se ai madje u martua me vajzën e tij adoleshente.
Ndërsa Bateman nuk është akuzuar për abuzim seksual, deklarata pretendon se FBI ka arsye të besojë se ai dhe të tjerët transportuan të mitur në Arizona, Utah, Nevada dhe Nebraska për t'u përfshirë në sjellje të paligjshme seksuale midis majit 2020 dhe nëntorit 2021.
Bateman "filloi të shpallte se ishte profet" në 2019 dhe fitoi rreth 50 ndjekës dhe më shumë se 20 gra, shumica e të cilave janë të mitur dhe nën moshën 15 vjeç, sipas një deklarate të paraqitur nga agjenti special i FBI-së në ngarkim të rastit të paprecedentë.
Shumica e grave të tij janë vajza, motra dhe nëna nga dy familje poligame, sipas dëshmisë.
Në bisedat e regjistruara në nëntor 2021, Bateman dëgjohet duke thënë se "Ati Qiellor" e kishte udhëzuar që "të jepte gjënë më të çmuar që ka, virtytin e vajzave të tij", tre ndjekësve meshkuj të rritur.
Më pas, Bateman dyshohet se pa tre burrat e rritur të bënin seks me vajzat e tij, njëra prej të cilave ishte vetëm 12 vjeç, sipas deklaratës së betimit.
