Udhëton nga Argjentina deri në Katar por nuk arrin të hyjë në stadium
Nga OraNews Përditësimi i fundit 23 Nëntor 2022, 14:51
Jashtë stadiumeve dhe pamjeve që servirin kamerat, luhet edhe një botëror tjetër. Në Argjentinë, një tifoz bardhekaltër denoncoi publikisht mashtrimin e kompanisë ajrore “Vuela” që i premtoi udhëtimin dhe akomodimin por biletën e hyrjes në stadium nuk e mori asnjëherë.
Gazeta “Marca” zbulon historinë e tifozit të Argjentinës që pagoi 8000 dollarë për një udhëtim të gjatë deri në Doha por biletat e stadiumit në Lusail për të parë ndeshjen hapëse me Arabinë Saudite, nuk iu dorëzan asnjëherë.
Tifozi i Argjentinës thekson se mijëra kilometra për të ndjekur skuadrën e tij rezultuan njën zhgënjim, por shton se duke parë përfundimin e ndeshjes me Arabinë, ndoshta ndihet më pak i zemëruar. Ai shton më tej se eksperienca në fshatin e tifozëve është pozitive edhe pse bëri mijëra km për të parë futboll.
