Amazon po planifikon 10,000 pushime nga puna
Nga OraNews Përditësimi i fundit 14 Nëntor 2022, 17:55
“Lavdia” e Twitter dhe Meta duket se ka krijuar zili edhe Amazon , e cila planifikon të shkurtojë rreth 10,000 vende pune që në fillim të kësaj jave, sipas New York Times.
Mësohet se ky pushimin nga puna më i madh në historinë e kompanisë.
Pushimet do të përqendrohen në sektorin e pajisjeve të Amazon, duke përfshirë asistentin e zërit Alexa, sektorin e shitjes me pakicë dhe departamentin e menaxhimit të burimeve njerëzore.
Numri i pushimeve nga puna mbetet jo konkret. Nëse qëndron rreth 10,000, do të prekë 3% të punonjësve të korporatës së Amazon dhe më pak se 1% të fuqisë punëtore të saj globale prej më shumë se 1.5 milion, e cila përbëhet kryesisht nga punëtorë me orë.
Plani i pushimeve nga puna, nëse zbatohet gjatë sezonit të blerjeve të Krishtlindjeve, tregon se sa po ndikon ekonomia globale mbi bizneset.
Në të njëjtën kohë, kjo shënon një ndryshim në politikën e kompanisë, e cila deri vonë kërkonte të ruante vendet e punës.
Në fillim të këtij viti, gjigandi në internet dyfishoi kufirin e kompensimit në para për punonjësit e teknologjisë për shkak të konkurrencës së ashpër të tregut të punës.
