Çmimet “At Gjergj Fishta” në letërsi
Nga OraNews Përditësimi i fundit 24 Tetor 2022, 13:29
Arben Dedja me librin me poezi “Italian job” fitoi cmimin “At Gjergj Fishta” në letërsi për vitin 2022.
Në prozë fitues u shpall Durim Taçi me librin “Liqeni në mes të detit”, ndërsa për studime u vlerësua shkrimtari Frano Kulli me librin “Fjalor i veprës së Fishtës”.
Ceremonia e ndarjes së çmimeve u mbajt në Lezhë në ditën e 151 vjetorit të lindjes së kolosit të letërsisë shqipe.
Zija Çela u vlerësua me çmimin e karrierës, për kontributin e tij në pasurimin e prozës së shkurtër e të gjatë shqipe me tematika e forma të reja.
Poeti Rudolf Marku për larminë e poezisë së tij dhe Tonin Çobani per kontributin ne studimin e Fishtës.
Kryetari i Bashkisë së Lezhes, Pjerin Ndreu theksoi rëndësinë e veprës së Fishtës dhe angazhimin për të vlerësuar e mbështetur artin e letërsinë.
Për cmimet “At Gjergj Fishta në Letërsi ishin në garë 22 shkrimtarë e poetë.
