Ndahet nga jeta deputeti i parë shqiptar në Kuvendin e Malit të Zi

Nga OraNews Përditësimi i fundit 18 Tetor 2022, 20:20

Është ndarë nga jeta në moshën 65-vjeçare, Vasel Sinishtaj, një ndër zërat e parë shqiptarë në Kuvendin e Malit të Zi.

Lajmin e ka bërë publik kryetari komunës së Tuzit, Nik Gjeloshaj.

Gjeloshaj: Të nderuar miq, me hidhërim e ndaj me Ju lajmin që Vasel Sinishtaj ndërroi jetë!  Vaseli ishte njeri i mirë, profesionist dhe punëtorë i pashoq! Ishte përherë i gatshëm për këshilla e ndihmë për çdo njeri që kishte nevoj.

Ishim bashkëudhtarë politik për një kohë të gjatë. Në rolin e deputetit ishte zëri i parë shqip në Parlamentin e Malit të Zi, dhe nuk u kursye për të drejtat e shqiptarëve! Njëri ndër themeluesit e Alternativës Shqiptare, aktualisht ishte Kryetar i Këshillit politik i ASH.

Dy vitet e fundit me përkushtim kryente detyrën e Kryeadministratorit në Komunën e Tuzit. I përjetshëm qoftë kujtimi për figurën e Vasel Sinishtaj! Për datën e mbajtjes së Orës komemorative dhe varrimit, do të njoftoheni me kohë!