“Xhindosen” protestuesit në Iran, polici kap vajzën nga të pasmet (VIDEO)
Nga OraNews Përditësimi i fundit 15 Tetor 2022, 19:23
Një video e policisë në Iran që ngacmon seksualisht një protestuese ndërsa përpiqeshin ta arrestonin atë, ka shkaktuar zemërim në mediat sociale.
Përdoruesit shprehën zemërim, me shumë thirrje për "drejtësi" dhe dorëheqjen e shefit të policisë. Disa përdorues pro-qeveritar dënuan gjithashtu autorët.
Pavarësisht bllokimeve në disa rrjete sociale, iranianët ende po arrijnë ta shpërndajnë videon.
Vendi është tronditur nga trazirat më intensive në dekada.
Video të shumta të protestës janë bërë virale brenda dhe jashtë Iranit. Kjo video e fundit, e cila ndodhi në sheshin Argjentina të Teheranit të mërkurën, tregon një grup oficerësh me veshje mbrojtëse dhe helmeta që rrethojnë një grua në një rrugë kryesore.
Njëri prej tyre e kap nga qafa dhe e çon drejt disa policëve, ndërsa një prej tyre kapet nga kamerat duke e kapur nga mbrapa.
Protestat shpërthyen muajin e kaluar kur zemërimi për vdekjen në paraburgimin policor të 22-vjeçares kurde iraniane Mahsa Amini vloi.
Zyrtarët thonë se ajo vdiq nga një gjendje e rëndë shëndetësore, por familja e saj thotë se ajo vdiq pasi u rrah nga policia e moralit.
