Ndërron jetë “Hagrid” i Harry Potter, aktori vdes në moshën 72-vjeçare
Nga OraNews Përditësimi i fundit 14 Tetor 2022, 19:08
Aktori legjendar i Harry Potter, Robbie Coltrane është ndarë nga jeta në moshën 72-vjeçare.
Coltrane, i cili ishte më i njohur për rolin e tij si kujdestari i Hogwarts-it, Hagrid, vdiq të premten (14 tetor).
Lajmi e ka konfirmuar agjentja e tij Belinda Wright.
Në një deklaratë, agjentja e tij Belinda Wright e përshkroi Coltrane si një "talent unik".
"Ai ndoshta do të mbahet mend më së miri për dekadat e ardhshme si Hagrid në filmat e Harry Potter, një rol që u solli gëzim fëmijëve dhe të rriturve në të gjithë botën," tha ajo.
