Protestuesit e naftës hedhin supë mbi pikturën e Van Gogh-ut, shikoni videon

Nga OraNews Përditësimi i fundit 14 Tetor 2022, 13:48

Aktivistët e klimës kanë hedhur kanaçe me supë me domate mbi një pikturë të Van Gogh me luledielli në Galerinë Kombëtare në Londër.

Pamjet treguan se dy autorët hapën dy kanaçe dhe e hodhën përmbajtjen në kryevepër.

Ata kishin veshur bluza nga grupi protestues Just Stop Oil.

Galeria tha se piktura ishte e mbuluar me xham dhe për këtë arsye nuk ishte dëmtuar.

Në një deklaratë nga vendi i ngjarjes thuhet: “Në orën 11 të mëngjesit të sotëm dy persona hynë në dhomën 43 të Galerisë Kombëtare."

Dhoma u pastrua nga vizitorët dhe u thirr policia. Oficerët tani janë në vendngjarje.

Ka disa dëmtime të vogla në kornizë, por piktura është e padëmtuar.

KËTU LAJMET MINUTË PAS MINUTE

Dy persona janë arrestuar.

Piktura në galerinë e Londrës është një nga shtatë veprat e lulediellit të krijuara nga Van Gogh në 1888 dhe 89, pesë prej të cilave janë të ekspozuara në galeri dhe muze anembanë botës.

Veprimi vjen tre muaj pasi anëtarët e të njëjtit grup ngjitën letër mbi The Hay Wain të John Constable në të njëjtën galeri.