Karolina e Veriut/ Pesë të vdekur nga të shtënat masive në Raleigh
Nga OraNews Përditësimi i fundit 14 Tetor 2022, 09:34
Pesë persona duke përfshirë një oficer policie jashtë detyrës janë qëlluar për vdekje dhe disa të tjerë janë plagosur në Raleigh, Karolina e Veriut, thonë zyrtarët.
Policia thotë se një i dyshuar është arrestuar.
Të shtënat ndodhën pranë lumit Neuse, në periferi të kryeqytetit të shtetit, tha kryebashkiaku i qytetit.
Motivi i ngjarjes ende nuk është përcaktuar, por togeri i policisë Raleigh, Jason Borneo, tha se do të zbulohet në ditët në vijim.
"Sonte, terrori ka arritur në pragun tonë. Makthi i çdo komuniteti ka ardhur në Raleigh," tha guvernatori i Karolinës së Veriut Roy Cooper në një konferencë shtypi.
Të shtënat ndodhën pak pas orës 17:00 (21:00 GMT).
Kryetarja e bashkisë Mary-Ann Baldwin më vonë raportoi se personi i armatosur po "mbahej në një banesë në zonë" nga policia.
Policia e Raleigh më pas shkroi në Twitter se i dyshuari - i cili ishte një djalë i ri - ishte dërguar në paraburgim.
Të paktën dy persona të tjerë, përfshirë një oficer policie, u plagosën dhe u dërguan në spital. Një prej tyre është në gjendje kritike.
Të shtënat masive janë një problem i vazhdueshëm në SHBA.
Më shumë se 34,000 njerëz kanë vdekur në të shtënat në SHBA në vitin 2022.
"Ne duhet të ndalojmë këtë dhunë të pakuptimtë në Amerikë. Kemi shumë për të bërë", tha guvernatori Cooper.
