Pjesë e bandës së pengmarrjeve e grabitjeve, arrestohet në Greqi 31-vjeçari shqiptar pasi qëlloi policen
Nga OraNews Përditësimi i fundit 11 Tetor 2022, 15:47
Një shqiptar 31-vjeçar është arrestuar nga policia greke, anëtar i dy prej tre bandave të Politeknikut Zografou.
Disa nga anëtarët e kësaj bande u arrestuan ditën e djeshme, më 10 tetor, në Kypseli.
Ndaj 31-vjeçarit ishin në pritje dy urdhër-arreste për pjesëmarrje në një bandë që kryente grabitje të armatosura dhe për trafikim droge.
Sipas policisë vendase, shqiptari ka qenë më parë pjesëtar i “bandës me kallashnikovë”, që grabisnin shtëpitë në periferinë jugore dhe dhunonin femra.
Gjithçka nisi pas një alarm është dhënë mëngjesin e së martës në zonën e Zografou, për shkak të të shtënave në Universitetin e Teknologjisë Zografou.
Policia e Athinës zhvilloi një operacion për drogën në rezidencat e vjetra të studentëve në Universitetin Politeknik.
Operacioni nisi në orën 6 të mëngjesit, pas informacioneve se rezidencat e studentëve po përdoreshin për trafik droge si dhe bazë për grabitje dhe grabitje në zonën e gjerë.
Ndërkohë që operacioni po zhvillohej, një nëpunëse nuk u ndje mirë dhe vendosi të largohej me makinën e saj private. Teksa po largohej ajo është sulmuar me kaçavidë nga një person me origjinë shqiptare, rreth 30 vjeç.
Për të zmbrapsur sulmin, punonjësja e policisë ka qëlluar me armën e shërbimit në këmbë 30-vjeçarin.
Burri ka mbetur i plagosur dhe është dërguar në Kryqin e Kuq. Sipas informacioneve, ai jetonte në një rezidencë studentore së bashku me vëllain e tij, i cili gjithashtu u arrestua.
