Soko: Çmimi u rrit nga 7.7 në 9.5 se tha do të bëhej e pavarur energjia, sot sistemi del i paaftë
Nga OraNews Përditësimi i fundit 29 Shtator 2022, 21:53
Në “Drejt” nga Luan Rama në RTV Ora, Pano Soko nga Nisma Thurje u shpreh se Qeveria e rriti çmimin nga 7.7 në 9.5 lekë dhe tha se me këto para do të krijojë pavarësi të sistemit të energjisë.
Ai tha se sot arkëtimet janë shumë lart, 94% dhe se lekët i marrin, pra nuk ka faj qytetari, por kur vjen puna për të mbajtur premtimin, thonë se sistemi nuk qenka më i aftë edhe pse na morën lekët.
Soko: Qeveria e rriti çmimin nga 7.7 në 9.5 lekë dhe tha se me këto para do të krijojë pavarësi të sistemit të energjisë që të mos më para nga buxheti i shtetit. Do të krijohej një sistem i pavarur nga sistemi ndërkombëtar duke investuar në vend.
Kur erdhi puna për marrjen e lekëve erdhi aksioni i madh aq sa njëri vrau veten për punë fature energjie dhe qindra u arrestuan. Sot arkëtimet janë shumë lart, 94%. Lekët i marrin, pra nuk ka faj qytetari, por kur vjen puna për të mbajtur premtimin, ndërsa tani na thonë se sistemi nuk qenka më i aftë edhe pse na morën lekët.
