Pogradec/ Pezullohen dy doganierë dhe dy inspektorë, në hetim se lejuan kontrabandën
Nga Iris Rezhda Përditësimi i fundit 27 Shtator 2022, 10:03
Arjan Hajrulla 43 vjeç dhe Fisnik Mahmutllari, 38 vjeç, Inpektorë në Qafë thanë dhe doganierët Vladimir Bardhi, 53 vjeç dhe Julian Poce, 45 vjeç, janë pezulluar nga detyra nga Agjencia e Mbikqyrjes Policore në zbatin të një vendimi të Gjykatës, pasi zyrtarët akuzohen për korrupsion dhe kontrabandë të mallrave.
Pezullimi i tyre është bërë në kuadër të operacionit të koduar “Dinari”.
Sipas organeve të drejtësisë, të 4 zyrtarët e Pikës Kufitare në Juglindje dyshohet se kanë lejuar kontrabandimin e mallrave.
Gjithçka nisi më 22 qershor kur dy punonjës policie të pikës kufitare, dy doganierë dhe tre persona të tjerë u arrestuan nga kolegët e Agjencisë së Mbikëqyrjes Policore
Aso kohe Julian Hila, Florenc Gega, dhe shtetasja Bule Hila, të gjithë banues në Librazhd u kapën në në flagrancë duke transportuar mallra ushqimorë të futura kontrabandë nga kufiri i Qafë Thanës, dhe duke shmangur detyrimet doganore, punonjësit e policisë dhe doganës u akuzuan se me veprimet e tyre, kundrejt shpërblimeve në para, kanë favorizuar shtetasit e mësipërm në kalimin e mallrave pa kryer procedurën e zhdoganimit.
Por së fundmi organi i akuzes ka gjykuar që këta punonjës nuk duhet të hetohen duke qenë në detyre pasi mund të prishen provat e hetimit të kësaj dosjeje penale dhe për këtë arsye është kërkuar nga gjykata pezullimi nga detyra, kërkesë kjo që është pranuar, ndërsa vedimi është zbatuar këtë të martë.
