Fansat e “Harley” në Durrës, spektakël motorësh në rrugë dhe festë me muzikë rock

Nga OraNews Përditësimi i fundit 25 Shtator 2022, 20:47

Motorët për shumë njerëz në botë janë simbole të lirë dhe pasionit për të udhëtuar e jetuar.

Qindra motoristë të ardhur edhe nga Kosova e Maqedonia e Veriut u bënë bashkë në Durrës, për të festuar 15 vjetorin e Steel Wings Albania MC, një shoqatë me qëllim promovimin e sportit dhe turizmit.

Dhuruan spektakël ndërsa me rregullat që ndjekin kur udhëtojnë përshkuan rrugët kryesore të qytetit.

Përcollën edukatën e qarkullimit rrugor, tolerancën, dhe respektimin e lirive dhe të drejtave të individit.

Më pas ishte koha e festës buzë detit në Shëtitoren Taulantia.

“Ky event me këto lloj përmasash është hera e parë që zhvillohet në qytetrin e Durrësit.”

Të shumtë ishin edhe qytetarët  që iu bashkuan për të shijuar performacat e disa prej grupeve dhe këngëtarëve shqiptar më të njohur të rrokut, muzikës që zakonisht shoqëron në udhëtime këta motoristë.

Fansat e “Harley” në Durrës, spektakël motorësh