Sulmet kibernetike, Yuri Kim: Ka persona që tentojnë të minojnë demokracinë

Nga Ora News Përditësimi i fundit 20 Shtator 2022, 10:53

Ambasadorja e SHBA Juri Kim ka shprehur shqetësim për sulmet kibernetike që janë bërë së fundmi në shqipëri, duke thënë se kjo minon demokracinë. Ajo u shpreh se në këtë luftë për sigurinë e të dhënave, shqiëpria ka  pranë SHBA.

Cënim të demokracisë në vend e konsideron ambasadorja Yuri Kim sulmin kibernetik në Shqipëri.

Në konferencën për programin Smart Cities, ambasadoria theksoi  Shtetet e Bashkuara të Amerikës do të vijojnë të jenë në krah të shteteve të sulmuara duke dhënë ndihmën e tyre.

KETU LAJMET MINUTE PAS MINUTE

"SHBA janë këtu për të ndihmuar dhe na pëlqen të jemi këtu për të ndihmuar. Kjo konferencë është një nga mënyrat. Jam krenare që kemi ndihmuar me masat e sigurisë kibernetike dhe popullit shqiptar. Në SHBA po punojnë me aleatët se si të mbrojmë nga keqdashësit e teknologjive të reja.

E dini më mirë se të gjithë ne se për çfarë kanë nevojë qytetarët për një jetë më të mirë e të sigurt. Gjithashtu i dini rreziqet me të cilët përballen çdo ditë si aksesi në shërbime. Ka persona që tentojnë të minojnë demokracinë." tha ajo.

Për fuqizimin e sistemit teknologjik në disa qytete të rajonit, zv presidenti i BERZH për politikat dhe partneritetin, Mark Bouman tha se të interesuarit do të ndihmohen të implementojnë këtë program.

Pjesë e këtij programi  janë kompanitë më të mëdha teknologjike në botë, si Microsoft, Amazona, Nokia  e shumë të tjera, të cilat do të ofrojnë mbi të gjitha sigurinë e të dhënave të qytetarëve dhe institucioneve.