Gjeta: S’ka rrezik për konflikt në Kosovë, favor për Serbinë në shqiptarët janë të përçarë
Nga OraNews Përditësimi i fundit 1 Shtator 2022, 20:45
Politologu Altin Gjeta është shprehur se nuk ka ndonjë rrezik për një konflikt në Kosovë.
Në një intervistë për Ora News, me gazetarin Sebastian Zonja, Gjeta tha se me retorikën e përdorur nuk ka për qëllim që të ndez një konflikt në Kosovë pasi nuk është në interes të tij.
Altin Gjeta: Nuk ka ndonjë rrezik real për konflikt në Kosovë, për shkak se Kosova ende është në një mandate ndërkombëtar mbrojtje me KFOR dhe Forcat e NATO-së, por dhe retorika e Vuçiç nuk është në funksion të ndezjes së një konflikti sepse është politikan dhe lideri më i painteresuar për të ndezur një konflikt tjetër.
Sipas Gjetës, Serbia ka kultivuar një politikë përçarëse mes shqiptarëve, pasi në këtë mënyrë faktori serb në rajon është më i fortë.
Altin Gjeta: Mendoj se Serbia ka kultivuar me kujdes një politikë përçarëse mes shqiptarëve sepse është në interesin e Serbisë dhe serbëve në rajon. Sa më të përçarë të jenë shqiptarët, aq më e fortë është Serbia dhe aq më e fortë është faktori serb në rajon. Në rastin e “Ballkanit të Hapur” Shqipëria duhet të ishte më e kujdesshme, dhe të konsideronte Kosovën në momentin që vendosi për t’iu bashkuar kësaj nisme.
