Emergjenca nga kriza, BE nis përgatitjen e një reforme strukturore për tregun e energjisë elektrike

Nga OraNews Përditësimi i fundit 29 Gusht 2022, 17:25

Bashkimi Evropian po përgatit "ndërhyrje emergjente dhe një reformë strukturore të tregut të energjisë elektrike", funksionimi i të cilit kritikohet ashpër nga disa vende anëtare të BE-së përballë rritjeve dramatike të çmimeve, njoftoi sot presidentja e Komisionit Evropian Ursula von der Leyen.

“Rritja dramatike e çmimeve të energjisë elektrike tregon qartë kufijtë e funksionimit ekzistues të tregut. Ky ishte projektuar në një kontekst shumë të ndryshëm”, shpjegoi presidentja e Komisionit gjatë një konference në Bled të Sllovenisë, përpara një takimi urgjent të ministrave të energjisë të BE-së që do të organizohet në Pragë më 9 shtator.