Brazil, polici vret me plumb në kokë kampionin e botës në artet marciale
Nga OraNews Përditësimi i fundit 8 Gusht 2022, 12:41
Kampioni i botës në sportin e Jiu-Jitsu, Leandro Lo humbet jetën në një ngjarje të rëndë të regjistruar në Sao Paulo. Braziliani i arteve marciale u qëllua për vdekje nga një polic me të cilin u përlesh.
Lajmin e vdekjes së sportistit e konfirmoi avokati i tij.
Ngjarja bëhet edhe më e rëndë nëse llogaritet që vrasësi është një polic, i cili e kërcënoi kampionin në një tavolinë gjatë një koncerti në “Clube Sirio”. Polici që kreu vrasjen quhet Henrique Otavio Oliviera Velozo dhe pak përpara se të qëllonte me armë zjarri, ai e kërcënoi kampionin brazilian për disa minuta rresht.
Pasi kampioni i botës e rrëzoi në shesh, atëherë polici nxorri armën duke e qëlluar drejt në kokë. Leandro Lo u transportua menjëherë në spital ku ndërroi jetë pak minuta më vonë ndërsa hetuesit po punojnë për zbardhjen e plotë të dinamikës së ngjarjes.
33-vjeçari Lo ishte një nga brazilainët më të suksesshëm në sportin e Jiu-Jitsu pasi e ka fituar plot 8 herë titullin kampion ndërsa mban rripin e zi që prej vitit 2012.
