Pema më e gjatë në botë është dëmtuar, ndalohet vizitorët. Burg dhe gjobë deri në 5 mijë $ për shkelësit
Nga Besmira Pelushaj Përditësimi i fundit 2 Gusht 2022, 15:06
Eksploruesit në Parkun e Kalifornisë janë ndaluar të vizitojnë pemën më të gjatë në botë, e cila është certifikuar edhe Guinness World Records. Shkak janë bërë demtimet që janë shkaktuar në habitatin natyror. Kushdo që kapet pranë pemës mund të përballet me deri në gjashtë muaj burg dhe një gjobë prej 5000 dollarësh.
“Hyperion”, i certifikuar nga Guinness World Records si pema më e gjatë e gjatë në botë, është zyrtarisht e ndaluar për vizitorët.
Parku Kombëtar Redwood i Kalifornisë lëshoi një deklaratë javën e kaluar se kushdo që kapet pranë pemës mund të përballet me deri në gjashtë muaj burg dhe një gjobë prej 5000 dollarësh.
Pema, e cila është thellë në park dhe nuk ka shtigje që të çojnë në të, është përballur me degradim serioz mjedisor nga kërkuesit e emocioneve që e kanë vizituar që nga viti 2006, kur u gjet nga eksploruesit e natyrës.
Pema e kuqe e bregdetit është 115.92 metra e gjatë dhe emri i saj rrjedh nga mitologjia greke, “Hyperion” ishte babai i perëndisë së diellit Helios dhe perëndeshës së hënës Selene.
“Megjithë udhëtimin e vështirë, popullariteti i shtuar për shkak të blogerëve, shkrimtarëve të udhëtimit dhe faqeve të internetit të kësaj peme jashtë shtigjeve ka rezultuar në shkatërrimin e habitatit që rrethon Hyperion”, thuhet në deklaratë të parkut kombëtar.
Përveç erozionit dhe dëmtimeve të shkaktuara në bazën e pemës, ka edhe çështje dytësore që vijnë nga një fluks njerëzish.
Në vitin 2021, zyrtarët në Parqet Kombëtare të Sequoia dhe Kings Canyon morën masa ekstreme për të mbrojtur disa nga pemët më të mëdha në botë nga zjarri, duke I mbështjellë disa prej tyre me material kundër zjarrit.
