Vritet Udhëheqësi i al-Kaidës Ayman al-Zawahiri, Biden: Ishte truri i sulmeve kundër amerikanëve
Nga Amado Çela Përditësimi i fundit 2 Gusht 2022, 01:47
Lideri i shumëkërkuar i Al Kaedës është qëlluar për vdekje me dron nga inteligjenca amerikane gjatë fundjavës. Lajmin e konfirmoi edhe presidenti Biden, i cili e quajti vdekjen e tij si vendosjen e drejtësisë.
Lideri i organizatës terroriste Al Kaeda, Ajman Al Zavari është ekzekutuar përmes një sulmi me dron nga inteligjenca amerikane gjatë fundjavës.
Al Zavari i cili u ngjit në krye të grupit terrorist pas vrasjes së Osama bin Ladenit në maj të vitit 2011 ishte një nga më të kërkuarit në botë.
Lajmin e konfirmoi edhe presidenti Biden, i cili e quajti vrasjen e tij si vendosjen e drejtësisë.
Shtëpia e Bardhë njoftoi më herët se SHBA-të kryen një operacion të suksesshëm kundër-terrorizmit kundër një objektivi të rëndësishëm të Al-Kaidës në Afganistan gjatë fundjavës.
Biden tha se zyrtarët e inteligjencës amerikane gjurmuan dhe e gjetën al-Zawahrin në një shtëpi në qendër të Kabulit, ku ai ishte fshehur me familjen e tij.
Presidenti e miratoi operacionin javën e kaluar dhe ai u krye nga Agjencia Qendrore e Inteligjencës, e njohur si CIA më 31 korrik.
Inteligjenca amerikane konfirmoi se njeriu i vrarë ishte Zawahri dhe se nuk pati viktima të tjera.
Zaahri, 71 vjeç, mbikëqyri sulmet terroriste në Shtetet e Bashkuara më 11 shtator 2001, së bashku me Osama bin Laden, themeluesin e Al-Kaidës.
Bin Laden dhe al-Zawahri u arratisën nga forcat amerikane në Afganistan në fund të vitit 2001 dhe vendndodhja e Zawahrit kishte qenë e panjohur prej kohësh.
Ushtria amerikane i ka dhënë fund misionit të saj në Afganistan më 30 gusht të vitit 2021.
Forcat e udhëhequra nga Shtetet e Bashkuara kanë rrëzuar talibanët nga pushteti në tetor të vitit 2001.
Talibanët kanë qenë duke strehuar atëbotë Osama Bin Laden dhe figura tjera të Al-Kaidës, të lidhura me sulmet e 11 shtatorit të po atij viti në Shtetet e Bashkuara, nga të cilat kanë mbetur të vdekur rreth 3.000 njerëz.
