Putin kërkon të blejë vendin sekret të Stalinit në Gjeorgji, qytetarët të revoltuar. Lideri: E kemi mysafir, nuk bëjmë dot pa Rusinë
Nga Ora News Përditësimi i fundit 1 Gusht 2022, 12:45
Vladimir Putin po mendon të marrë një tjetër "kështjellë" buzë detit, pasi po thuhet se Kremlini do të blejë një parcelë të madhe toke në Gjeorgji.
Aslan Bzhania, lider de-fakto i rajonit separatist të Abkhazisë në Detin e Zi, thotë se Putin e ka urdhëruar të dorëzojë një "parajsë buzë plazhit" pranë qytetit turistik të Pitsunda.
Një qira 49-vjeçare thuhet se është nënshkruar në mënyrë të fshehtë duke i dorëzuar kontrollin e 186 hektarëve tokë, 115 hektarësh ujë dhe një kampi ushtarak aty pranë nën kontrollin e Shërbimit Federal të Mbrojtjes së Putinit, duke shkaktuar protesta në mesin e vendasve.
Mendohet se Putini do të përdorë vendin, ku ndodhet një vend i fshehtë i ndërtuar nga Josef Stalini dhe i frekuentuar nga Nikita Hrushovi, për të ndërtuar një shtëpi të re për veten e tij, pasi kundërshtarët ekspozuan pallatin e tij prej 1 miliardë paundësh që ndodhet vetëm 200 milje larg bregdetit.
Bzhania u tha vendasve se ai ishte i pafuqishëm për të refuzuar kërkesën sepse qeveria e tij e re nuk mund të mbijetojë pa mbështetjen e ushtrisë ruse, pavarësisht se ajo është goditur nga lufta në Ukrainë.
"Unë mund të them me siguri se Federata Ruse mund të bëjë pa ne, por a mund të bëjmë ne pa mbështetjen e Federatës Ruse, forcave të saj të armatosura dhe strukturave të saj që ruajnë kufijtë tanë këtu? Kjo është një dilemë e madhe," tha ai.
Ai deklaroi se ky ishte një vend ku vinte "mysafiri i tyre kryesor", raportojnë mediat e huaja.
