Dy shqiptarë kapen në shtëpi bari në Britani, dënohen me burg nga gjykata
Nga OraNews Përditësimi i fundit 26 Korrik 2022, 21:24
Dy shqiptarë që erdhën kontrabandë në Britani me kamion, janë dënuar për pjesëmarrjen e tyre në një fermë kanabisi në një adresë në Bradford.
Aurel Hoxha, 31 vjeç dhe Kledvin Palushi, 22 vjeç, u gjetën të dy në një adresë në qytet nga policia pas raportimeve për një fermë kanabisi në vend. Në këtë adresë u zbuluan gjithsej 57 bimë kanabisi.
Të dy shqiptarët u arrestuan dhe u bë një kontroll në pronë. Atyre ju sekuestruan telefona celularë. Telefoni i Hoxhës nuk kishte një kod pin, kështu që oficerët e policisë mund të hynin në përmbajtjen e tij. Ata gjetën video që tregonin bimë të ndryshme kanabisi.
Provat zbuluan se Hoxha ishte i përfshirë në operacione të ngjashme fermash kanabisi në vende të tjera në të gjithë veriun e Anglisë, tha në gjykatë prokurorja Danielle Gilmour.
Të dy ata u intervistuan në stacionin e policisë Trafalgar House në Bradford. Hoxha nuk dha asnjë koment për oficerët, por u lexua një deklaratë nga ekipi ligjor i Palushit.
Ai tha se Palushi ishte futur kontrabandë në Britani dhe ishte dërguar në adresën në Bradford nga njerëz nga Shqipëria.
“Palushi dallohet nga Hoxha pasi kishte një rol më të vogël” – tha prokurorja.
Lydia Pearce, duke lehtësuar çështjen e Palushit, i tha gjykatës se ai erdhi në Britani në anën e pasme të një kamioni. Ai kishte një borxh që po e shlyente duke punuar në fermën e kanabisit në Bradford.
Të dy burrat, të dy pa adresë fikse, nuk kishin dënime të mëparshme, pohoi Gjykata e Bradford Crown dje (e hënë 25 korrik).
Hoxha u dënua me 22 muaj burg, ndërsa Palushi me katër muaj burg, për të cilin tashmë ka vuajtur edhe paraburgimin penal. Secili prej tyre u përball me akuzën e prodhimit të drogës së kontrolluar të klasit B – kanabis.
