Bie alarmi!! Parisi pushtohet nga minjtë, vullnetarët në aksion për t'i "shfarosur"
Nga Ora News Përditësimi i fundit 23 Korrik 2022, 12:45
Edhe pse një nga destinacionet turistike më të preferuara në botë, Parisi është pushtuar sërish nga minjtë.
Nuk është ende e qartë nëse kjo ka ndodhur për shkak të urgjencës së nxehtësisë apo nga papastërtitë në qytet.
Fakti mbetet se kryeqyteti francez është tashmë në dhjetëshen e metropoleve më të dominuara nga brejtësit në botë. Numrat dolën pas një polemike të ngritur nga një këshilltare bashkiake e partisë për të drejtat e kafshëve, Doucka Markoviç.
Situata ka ngjallur komente të shumta nga banorët e kryeqytetit. Popullsia është e tërbuar dhe ka vënë në shënjestër kryebashkiakun Anne Hidalgo.
Në rrjetet sociale gjithnjë e më shumë përdorues po shpërndajnë foto të koshave të rrethuar me mbeturina.
Nga ana e tij, nënkryetari Emmanuel Grégoire iu përgjigj deklaratave të këshilltarit për të drejtat e kafshëve Markoviç duke thënë se ato deklarata "janë shprehje e ideve të tij dhe në asnjë mënyrë nuk përfaqësojnë bashkinë e Parisit".
Për të kujtuar rrezikun e brejtësve që bredhin në qytet, madje edhe në Akademinë Kombëtare të Mjekësisë:
“Parisi, ashtu si Marseja, tani është ndër qytetet më të infektuara në botë, tha ai në një shënim, leptospiroza është një sëmundje që mund të përhapet në kontakt me jashtëqitjet e miut".
Me thasë me akull të thatë dhe rrjeta metalike, banorët e qarkut 17, një nga më të pushtuarit nga brejtësit, dolën në rrugë për të asgjësuar minjtë.
