Gjirokastër, goditën me sende të forta 33 vjeçarin, kapen dy autorët, bashkëpuntori në kërkim
Nga Ora News Përditësimi i fundit 18 Korrik 2022, 09:50
Dy nga autorit e sherrit të ndodhur ditën e djeshme në Gjirokastër, ku mbeti i plagosur një 33 vjecar janë arrestuar ditën e sotme ndërsa bashkëpunëtori i tyre është shpallur në kërkim.
Policia informon se shtetasi K.P ka ndihmuar autorin e shpallur në kërkim, shtetasin P.K për t’u larguar nga vendi i ngjarjes, duke e transportuar me automjet. Ky automjet është sekuestruar.
Sherri ndodhi ditën e djeshme, datë 17.07.2022 në lagjen "11 Janari", Gjirokastër, ku pas një konflikti të çastit mbeti i dëmtuar me mjet prerës dhe sende të forta shtetasi L. D., 33 vjeç, banues në Gjirokastër.
Bazuar dhe në informacionet e marra në rrugë policore, u bë kapja dhe arrestimi i shtetasve K. P., 41 vjeç dhe G. R., 32 vjeç, banues në Gjirokastër. Gjithashtu u shpall në kërkim shtetasi P. K., 30 vjeç," njofton policia.
Materialet i kaluan Prokurorisë pranë Gjykatës së Shkallës së Parë Gjirokastër, për veprat penale "Vrasja me dashje", e kryer në bashkëpunim, mbetur në tentativë dhe "Përkrahja e autorit të krimit".
