Një kopsht japonez edhe nëse nuk jetoni atje, britaniku i apasionuar shpenzoi 13 vite për oborrin e ëndrrave
Nga OraNews Përditësimi i fundit 16 Korrik 2022, 15:45
Një burrë ka shpenzuar 13 vjet për të transformuar oborrin e tij djerrë në një kopsht të jashtëzakonshëm japonez.
Martin Fitton, 54 vjeç, nga Brislington në Bristol, ra në dashuri me kopshtet japoneze pasi vizitoi për herë të parë një të tillë gjatë kohës që ishte me pushime në Dorset në vitin 2009 dhe menjëherë filloi të krijojë të vetin në shtëpi.
Gjatë 13 viteve të fundit, ai e ka rinovuar vetë kopshtin e tij pa u lodhur dhe tani ka një oaz që duket sikur është këputur direkt nga Tokio. Në pesë vitet e fundit, ai ka investuar rreth 8,000 £ në kopësht.
Ai ka ndërtuar oborrin e tij tradicional japonez, të kompletuar me pellg koi, ka shtuar fenerë betoni dhe faltore dhe i pëlqen të pijë një filxhan çaj në pavijon me gruan e tij Cyndie, 54 vjeç.
Kopshti i tij i ka fituar atij shumë fansa, duke përfshirë shumë dhe nga Japonia të cilët e kanë komplimentuar përkushtimin e babait të dy fëmijëve ndaj traditës së tyre.
