Vëlla e motër ndërrojnë jetë nga shpërthimi i fishekzjarrëve, plagosen 7 të tjerë
Nga OraNews Përditësimi i fundit 15 Korrik 2022, 16:57
Një ngjarje tragjike ka ndodhur në Francë, ku vëlla e motër kanë humbur jetën tragjik si pasojë e shpërthimit të fishekzjarrëve.
Mediat e huaja, raportojnë se ngjarja e rëndë ka ndodhur gjatë festës së ditës kombëtare të Francës në qytetin perëndimor të Cholet rreth orës 23:00 mbrëmjen e së enjtes.
Kryebashkiaku Gilles Bourdouleix tha se një fishekzjarr shpërtheu mes njerëzve. Ai tha se dy viktimat ishin së bashku me anëtarët e tjerë të familjes rreth 50 metra nga vendi ku po hidheshin fishekzjarrët.
I mitur 7-vjeçar vdiq në vendngjarje, ndërsa motra e tij 24-vjeçare ndërroi jetë nga një atak në zemër më vonë.
Ndërkohë si pasojë 7 persona të tjerr kanë mbetur të plagosur. Autoritetet kanë nisur hetimet në lidhje me ngjarjen.
