23 të vdekur në Vinnytsia, SHBA amerikanëve: Largohuni menjëherë nga Ukraina
Nga OraNews Përditësimi i fundit 15 Korrik 2022, 08:31
Ndërsa lufta në Ukrainë ka arritur ditën e saj të 142-të , ka pasur "hapa të rëndësishëm" në marrëveshjen e mundshme për rifillimin e eksporteve të grurit nga portet ukrainase të Detit të Zi.
Të paktën 23 civilë (përfshirë tre fëmijë) janë shënuar të vdekur në qytetin ukrainas të Vinnytsia, të goditur nga raketat ruse.
Sekretari i Përgjithshëm i OKB-së Guterres tha se ishte "i tronditur" nga sulmi. Ndërkohë që ambasada amerikane ka dhënë njoftimin urgjent: “Largohuni menjëherë nga vendi”.
Misioni i dytë i mbledhjes së provave nga OSBE në Ukrainë, ndërkohë identifikoi "modele të qarta të shkeljeve serioze të Konventës së Gjenevës që i atribuohen kryesisht forcave të armatosura ruse".
Inteligjenca britanike ka raportuar se, në 72 orët e fundit, përparimi i ushtrisë së Putinit është ndalur në Donbass.
Të paktën 352 fëmijë janë vrarë dhe 657 janë plagosur që nga fillimi i konfliktit ushtarak në Ukrainë.
Kështu deklaroi Prokuroria Publike e Ukrainës në përditësimin e saj të përditshëm, duke specifikuar se këto janë shifra provizore pasi hetimet janë duke u zhvilluar në rajonet e prekura aktualisht nga armiqësitë.
Rajoni me numrin më të madh të vdekjeve është ai i Donetskut, i ndjekur nga ai i Kharkiv.
