Katar 2022, “diamanti i shkretëtirës”, vepra që bën krenar organizatorët
Nga OraNews Përditësimi i fundit 13 Korrik 2022, 22:10
“Stadiumi i edukimit”, vetëm 10 km nga qëndra e Dohas është edhe kompleksi më i afërt me qytetin në zemër të shkretëtirës katariote. Një nga 8 stadiumet e Kupës së Botës, me kapacitet 40.000 vende, do të presë ndeshje deri në fazën çerekfinale.
Stadiumi është shumë pranë “Fondacionit të Katarit” dhe një nga veprat më madhështore të Dohas. Pas botërorit, stadiumi i Edukimit do të bëhet shtëpia e ekipit kombëtar të femrave të Katarit.
Stadiumi ka formën e një diamanti dhe mban nofkën “diamanti i shkretëtirës” pasi është ndërtuar që të shkëlqejë si ditën edhe natën. Ky stadium ka pritur finalen e Botërorit të Klubeve 2021 mes Bayern Munich dhe Tigres.
