“Pasaporta” turistike e Lezhës/ Pas 21 viteve vjen guida gjithëpërfshirëse
Nga Ora News Përditësimi i fundit 10 Korrik 2022, 11:29
Çfarë mund të vizitosh në Lezhë në 12 muaj? Për ti dhënë përgjigje kësaj pyetje turistët do të kenë në dorë një guidë Turistike të Lezhës e cila është konceptuar si pasaportë turistike!
Lezha do të ketë një guidë turistike për herë të parë pas 21 viteve.
Materiali promovues është ripunuar nga ekspertët e turizmit, por nuk do të jetë në duart e turistëve para muajit gusht.
"Përmes kësaj guide ne i sjellim Lezhës mundësinë që ajo të prodhojë turizëm elitar në Adriatik," tha Zef Imeraj.
Zef Imeraj, një nga hartuesit e Guidës thotë se botimi do të jetë pasaportë turistike e Lezhës.
"Do të afrojë turizmin historik, arkeologjik, religjion. Dhe elementi që do të futet për herë të parë, e që ne u munduam në vitin 2002 është që ne këtu do të kemi dhe turistët floristik. Pasi Lezha ofron me lagunën e saj, e papërsëritshme ne Ballkan, me diversitetin biologjik opatjketër që do të thithë shumë turistë," tha ai.
Guida Turistike e Lezhës po realizohet me mbështetjen e biznesit dhe bashkisë me synim promovimin e rajonit me potenciale për turizëm gjithëvjetor.
