Çfarë po ndodh deri më tani me samitin e G7. Liderët thirrje për bashkim të vendeve europiane
Nga Ora News Përditësimi i fundit 26 Qershor 2022, 16:53
Samiti i G7 po dominohet nga diskutimet mbi pushtimin e Rusisë dhe se si mund të mbështetet Ukraina. Udhëheqësit pritet të premtojnë mbështetje të mëtejshme ushtarake për Kievin dhe të vendosin më shumë sanksione ndaj Moskës.
Kancelari Olaf Scholz, tha se uniteti mbi Ukrainën ishte mesazhi i qartë i G7 për presidentin rus Vladimir Putin.
Kryeministri i Mbretërisë së Bashkuar Boris Johnson ka bërë thirrje që Perëndimi të vazhdojë të mbështesë Ukrainën dhe të jetë i sinqertë në lidhje me implikimet që mbështetja mund të ketë në kombet e tyre.
Presidenti i SHBA-së Joe Biden ka bërë thirrje për unitet, si në G7 ashtu edhe në NATO, përballë pushtimit të Rusisë, duke thënë se Putini është mbështetur në thyerjen e Perëndimit, gjq që nuk ka ndodhur.
Johnson dhe presidenti francez Emmanuel Macron bien dakord se konflikti në Ukrainë është në një moment kritik, me një "mundësi për të kthyer valën në luftë".
Mbretëria e Bashkuar, SHBA, Kanadaja dhe Japonia do të ndalojnë importet e arit rus në një përpjekje për të goditur aftësinë e Moskës për të financuar luftën, dhe Biden sugjeroi se anëtarët e tjerë të G7 - Franca, Gjermania dhe Italia - do të ndiqnin shembullin.
