I dënuari me 10 vite burg në kërkim dhe për korupsion, 45 vjeçari arrestohet në Qerret
Nga OraNews Përditësimi i fundit 6 Qershor 2022, 11:02
Një 45 vjeçar është arrestuar në fshatin Qerret, Kavajë pasi ishte shpallur në kërkim kombëtar.
Gjykata e Apelit për Krimet e Rënda, me vendimin e datës 18.12.2018, e ka dënuar Alfred Mikelin me 10 vjet e 6 muaj burgim, për veprën penale “Trafikimi i lëndëve narkotike”, kryer në bashkëpunim.
“Gjithashtu, Gjykata e Posaçme Kundër Krimit të Organizuar dhe Korrupsionit, me vendimin e datës 06.01.2022, ka caktuar ndaj këtij shtetasi, masën e sigurisë "Arrest në burg", për veprën penale “Korrupsioni aktiv i personave që ushtrojnë funksione publike” informoi sot policia e Tiranës.
Gjatë kontrollit fizik të shtetasit Alfred Mikeli, shërbimet e Policisë gjetën dhe sekuestruan në cilësinë e provës materiale, shuma parash, dy mjete identifikimi të dyshuara të falsifikuara dhe dy aparate celulare.
Operacioni për arrestimin e 45 vjeçarit banues në Tiranë u kodua “Last Move” (Lëvizja e fundit)
