Video/ Aksident në Tiranë, pas autobusit edhe një makinë përfundon në Lanë
Nga OraNews Përditësimi i fundit 5 Qershor 2022, 19:53
Një aksident ka ndodhur pranë ‘Pallatit me Shigjeta’, ku një makinë për pak sa nuk ka përfunduar në lumin Lanë.
Ora News, ka siguruar videon ku shihet makina, e cila për pak metra ka shpëtuar pa rënë në lum.
"Më datë 05.06.2022, në afërsi të vendit të quajtur “Pallati me shigjeta”, shtetasi E. C., duke drejtuar mjetin e tij, dyshohet se ka humbur kontrollin mbi drejtimin e mjetit dhe ka dalë nga rruga."
Si pasojë ka vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Ky nuk është rasti i parë i automjeteve që përfundojnë në Lanë, pasi mbrëmjen e së premtes, 29 prill 2022, rreth orës 20:10, në zonën e pallateve "Agimi" një autobus i linjës së "Unazës" përfundoi në lum.
Si pasojë mbetën të plagosur 5 persona.
