Anija patrulluese libiane qëllon mbi anijet italiane të peshkimit, ndërhyn Marina
Nga OraNews Përditësimi i fundit 3 Qershor 2022, 17:08
Një varkë patrulluese libiane ka qëlluar në drejtim të anijes italiane të peshkimit " Salvatore Mercurio ". Anija ishte në ujërat ndërkombëtare në veri të Bengazit, së bashku me një tjetër anije peshkimi italian, "
Të shtënat nuk kanë shkaktuar dëme apo lëndime, ndërsa në zonë ka ndërhyrë fregata Grecale të Marinës, e cila i bëri thirrje varkës patrulluese që të largohej.
Incidenti ndodhi të enjten në mbrëmje, ku dy anijet e peshkimit u afruan nga një varkë patrullimi libiane. Sipas dëshmisë së atyre që ndodheshin në bordin e "Salvatore Mercurio", libianët qëlluan disa herë si shenjë paralajmërues.
Kërkesa për ndërhyrje është dërguar nga anijet e peshkimit, të cilat ndodheshin në ujërat ndërkombëtare në veri të Bengazit.
Anija Grecale e Marinës mori Sos dhe u angazhua në një sërë aktivitetesh operacionale në zonën qendrore-jugore të Mesdheut.
Anija, ndërsa po shkonte drejt pikës ku ndodheshin anijet e peshkimit, kontaktoi varkën e patrullës libiane përmes radios, duke komunikuar se varkat ishin jashtë kufijve të Zonës së Mbrojtjes së Peshkimit dhe për këtë arsye e ftoi atë të tërhiqej nga aksioni.
Kur Grecale arriti te dy anijet e peshkimit, një ekip mjekësor hipi në bord për të konstatuar kushtet e marinarëve, ndërsa një ekip tjetër nga Brigada Marina San Marco u ngjit për të siguruar sigurinë. Anija patrulluese libiane ndërkohë ishte larguar nga zona.
