Arrestohet ministri i Shëndetësisë së Kirgistani, akuzohet për korrupsion me Covidin
Nga OraNews Përditësimi i fundit 3 Qershor 2022, 15:41
Ministri i shëndetësisë i Kirgistanit, i cili rekomandoi një lëndë helmuese si një trajtim për koronavirusin, është arrestuar pas një hetimi korrupsioni të lidhur me blerjen e vaksinave për COVID-19, sipas prokurorëve.
Alymkadyr Beishenaliyev promovoi një solucion të lëngshëm të bërë në shtëpi bazuar në lëndë helmuese, e njohur gjithashtu si ëolfsbane, për të kuruar koronavirusin dhe sëmundje të tjera.
Prokurorët thanë të premten Beishenaliyev ishte i përfshirë në blerjen e më shumë se dy milionë dozave të vaksinës së koronavirusit mbi kërkesat kombëtare, të ardhurat nga të cilat u transferuan në llogaritë off shore.
Paratë e shpërndara arritën në 1.5 miliardë som (19 milionë dollarë), thuhet në një deklaratë.
“Megjithëse Kirgistani merr vaksina falas për koronavirusin nga Kina, Rusia, Azerbajxhani, Kazakistani dhe organizatat ndërkombëtare, në vitin 2021 mbi 2,460,000 doza të tjera të vaksinave kundër koronavirusit u morën në mënyrë të pajustifikueshme nga kompanitë e huaja”, shtohet në deklaratë.
Beishenaliyev ka qenë nën presion, me zëvendësit e tij në maj që bënë thirrje për shkarkimin e tij dhe duke e akuzuar atë për ngacmim ndaj punonjësve të ministrisë, duke përfshirë përdorimin sjelljeve seksuale.
