Loja që prodhoi tragjedi, fëmijët kapeshin pas këtij litari e hidheshin në liqenin e Prushit
Nga OraNews Përditësimi i fundit 27 Maj 2022, 21:12
Kjo lojë e improvizuar nga një grup fëmijësh u kthye në një fund tragjik për dy vëllezër të mitur.
Dy vëllezërit të cilët u mbytën, dyshohet se po luanin bashke me bashkëmoshtarët e tyre buzë liqenit dhe kishin lidhur një litar në një pishë aty pranë përmes të cilit kapeshin dhe rrëshqisnin në ujë.
Por larja e kësaj të premteje të nxehtë në liqenin e Prushit në Tiranë do të ishte e fundit për Mateo dhe Klevis Takun, 14 dhe 10 vjeç.
Pikërisht ky i fundit pasi ka rënë ujë ka qenë duke u mbytur. Për ta shpëtuar është futur në ujë edhe vëllai i madh, por të dy fatkeqësisht janë mbytur.
Trupat e pajetë të tyre u nxorën nga polumbarët e RENEA-s dhe u dërguan në morg për ekspertizë.
Grupi hetimor po punon për zbardhjen e plotë të rrethanave të ngjarjes.
