Australia voton sot për kryeministrin
Nga Ora News Përditësimi i fundit 21 Maj 2022, 10:02
Në Australi po zhvillohen zgjedhjet për kryeministrin e vendit dhe partinë në pushtet.
Sondazhet kanë parashikuar një garë të ngushtë midis kryeminstrit aktual Scott Morrison, nga koalicioni liberal-kombëtar dhe liderit laburist Anthony Albanese.
Zgjedhjet ka gjasë të jenë një referendum për kryeministrin aktual i cili e ka udhëhequr vendin mes pandemisë dhe fatkeqësive natyore.
Ndërkohë Albanese ka bërë një fushatë për ndryshim ku kostoja e jetesës dhe ndryshimet klimatike janë ndër më primaret.
Nga ana tjetër partitë e vogla mund të kenë një propabilitet për të fituar për shkak të pakënaqësive ndaj dy partive kryesore.
