Zelensky: Rusia mund të vendosë armë bërthamore, por nuk do t'i përdorë ato
Nga OraNews Përditësimi i fundit 23 Prill 2022, 22:55
Duke folur në një konferencë për shtyp, presidenti i Ukrainës thotë se beson se Rusia mund të vendosë armë bërthamore gjatë konfliktit.
Presidenti ukrainas Zelensky shtoi se pavarësisht kësaj, ai nuk beson se Rusia do t'i përdorte ato më të vërtetë.
Ndërkohë, i pyetur për ndihmën ushtarake nga Britania e Madhe, Zelensky tha se ishte "i kënaqur" me atë që kishte marrë Ukraina dhe shtoi se ishte veçanërisht mirënjohës për ndihmën edhe nga SHBA.
“Ne duam më shumë sesa po na jepet, por jemi të kënaqur. Ne nuk mund të refuzojmë asgjë gjatë luftës nga ndihma më e madhe ushtarake, e cila vjen nga SHBA dhe Britania e Madhe”.
Më herët, Mbretëria e Bashkuar tha se do të ofrojë më shumë ndihmë, duke përfshirë drone, armë anti-tank dhe automjete të mbrojtura lëvizëse.
Në një telefonatë, kryeministri i Mbretërisë së Bashkuar Boris Johnson konfirmoi gjithashtu se ambasada britanike në Kiev do të rihapet javën e ardhshme.
Komentet e Zelenskyt u bënë në fund të një konference për shtyp që ka mbajtur këtë mbrëmje në një stacion metroje në Kiev.
