Ukraina bie dakord me Rusinë për krijimin e korridorit humanitar në Mariupol
Nga OraNews Përditësimi i fundit 20 Prill 2022, 09:37
Ukraina ka arritur një marrëveshje paraprake me forcat ruse për një korridor humanitar për civilët në qytetin e rrethuar të Mariuploit, tha zëvendës kryeministrja e Ukrainës.
Iryna Vereshchuk shkroi në rrjetet sociale: Ne arritëm një marrëveshje paraprake për korridorin humanitar për gratë, fëmijët dhe të moshuarit.
"Duke pasur parasysh situatën katastrofike humanitare në Mariupol, këtu do të fokusojmë përpjekjet tona sot."
Një marrëveshje e mëparshme për të krijuar një korridor humanitar për civilët që të largoheshin nga Mariupoli nuk u respektua më 5 mars dhe që atëherë përpjekjet e përsëritura për të krijuar një korridor të sigurt kanë dështuar.
Vereshchuk tha se përpjekja për evakuim sot do të fillonte në orën 14:00.
"Duke pasur parasysh situatën shumë të vështirë të sigurisë, gjatë aksionit të korridorit mund të ndodhin ndryshime. Prandaj ju lutemi ndiqni mesazhet zyrtare përkatëse", shkroi ajo.
Dje, ministria ruse e Mbrojtjes u citua nga agjencia e lajmeve Reuters se kishte njoftuar një armëpushim në zonën përreth punimeve të çelikut dhe hekurit Azovstal.
Trupat ruse do të respektojnë armëpushimin ndërsa propozimi hyn në fuqi në orën 14:00 me orën e Moskës më 20 prill, shtoi ministria, shkruan Sky News.
