Trazira në Kremlin pas "zbulimit" të bazave ruse nga Google Maps
Nga OraNews Përditësimi i fundit 19 Prill 2022, 22:08
Trazirat kanë shpërthyer në Kremlin orët e fundit pas “zbulimit” të bazave ruse nga hartat satelitore.
Këto harta janë postuar nga Forcat e Armatosura të Ukrainës në llogarinë e saj në Twitter, e cila edhe pse e pa verifikuar, është raportuar në të kaluarën nga llogaria zyrtare e Ministrisë së Mbrojtjes së Ukrainës.
Siç theksohet në një postim përkatës në Tëitter, Google nuk i censuron më fotot, në mënyrë që të mos duken të paqarta.
Pas këtij zhvillimi, pala ukrainase konsideron se Google është në anën e Ukrainës.
Në të njëjtën kohë, theksohet se të gjitha pozicionet ushtarake dhe strategjike të rusëve tashmë janë të dukshme në Google Maps me një rezolucion maksimal prej rreth 0.5 metra për piksel.
Ndër vendet e dukshme tani janë aeroplanmbajtësja ruse Admiral Kuznetsov, një bazë e ruajtjes së armëve bërthamore në Murmansk, avioni luftarak i avancuar rus Su-57, si dhe bazat ajrore në zonat strategjike të Kurss dhe Kamchatka.
Ndërkohë, Google u përgjigj se fotot ishin gjithmonë të disponueshme falas për përdoruesit, ndërsa një zëdhënës i kompanisë tha se nuk kishte ndryshim në politikën e "mjegullimit" të faqeve të ndjeshme dhe se imazhet ishin gjithmonë të disponueshme. "Ne nuk kemi bërë asnjë ndryshim në mjegullimin e imazheve tona satelitore në Rusi," tha ai.
