Cisterna ruse u bllokua në gjirin e Karystos në Greqi
Nga OraNews Përditësimi i fundit 19 Prill 2022, 09:32
Me vendim të Autoritetit për Luftën kundër Pastrimit të Parave, Autoritetet Portuale po mbajnë në Karystos një cisternë të interesave ruse.
Sipas protothema.gr, Autoriteti ka marrë vendimin bazuar në sanksionet e vendosura nga BE dhe NATO ndaj anijeve të interesave ruse. Bëhet fjalë për anijen Pegas me flamur rus, 250 metra e gjatë.
Për shkak të një defekti mekanik, cisterna u shoqërua duke u tërhequr në Peloponez, ku nafta do të transportohej në një cisternë tjetër.
Megjithatë, në Kepin e Doros mbizotëruan kushtet e pafavorshme të motit dhe anija u ankorua në zonës detare të Karistos.
Shoqëria administruese sipas procedurës vlerësohet se do të përpiqet përmes dokumenteve të provojë se nuk bën pjesë në listën e sanksioneve.
Nuk ka asnjë anije tjetër të interesave ruse në këtë zonë detare.
