Makina ku udhëtonin babë e bir përfundon në liqenin e Fierzës, humb jetën 60-vjeçari
Nga OraNews Përditësimi i fundit 17 Prill 2022, 12:02
Kjo makinë ra nga rruga në greminë. Mjeti u ngul buzë liqenit të Fierzës.
Sul Demnushi 60 vjeç nga fshati Mamëz i Kukësit që udhëtonte si pasagjer humbi jetën në vend.
Ndërsa i biri që drejtonte mjetin shpëtoi për mrekulli.
Ai ndodhet nën kujdesin e mjekëve pa rrezik për jetën.
Aksidenti u shënua në këmbët e urës së Drinit të Zi në hyrje të Kukësit.
Për shkak të terrenit të vështirë për nxjerrjen nga makina të të mbijetuarit dhe viktimës u kërkua ndërhyrja e forcave të policise dhe atyre zjarrfikës.
Dyshohet që shpejtësia e lartë dhe prania e lagështirës në rrugë ishin faktorët që e çuan makinën drejt humnerës.
Megjithatë policia ende nuk e ka thënë fjalën e fundit për shkaqet e aksidentit.
Të paktën 32 persona humbën jetën në aksidente rrugore në periudhën janar-shkurt, ndërsa ngjarjet fatale kanë qenë të shumta edhe përgjatë muajve mars e prill.
Mesatarisht çdo dy ditë në rrugët e vendit shënohet një viktimë.
Shkelja e rregullave të qarkullimit nga drejtuesit e mjeteve vlerësohet se është shkaku i 80 % të aksidenteve.
