Kurti: Serbia të distancohet nga sulmet e dhunshme terroriste ndaj Policisë së Kosovës
Nga OraNews Përditësimi i fundit 15 Prill 2022, 16:37
Kryeministri i Kosovës, Albin Kurti ka reaguar pas sulmit të sotëm ndaj Policisë së Kosovës në veri të vendit.
Në një njoftim që ka bërë në rrjetet sociale, Kurti thotë se sulmet kanë ardhur nga territori rus, ndërsa i ka bërë thirrje kësaj të fundit të distancohet nga veprime të tilla ndaj policisë së Kosovës.
“Dje dhe sot më herët, një breshër plumbash dhe një granatë dore u hodhën drejt policisë sonë. Burimet tona e kanë identifikuar sulmin e djeshëm të ketë ardhur nga territori i Serbisë”, ka shkruar ai në Twitter.
Ndër të tjera ai ka bërë thirrje Serbisë që të dënojë sulmet terroriste ndaj Policisë së Kosovës.
“Kjo as nuk do të na pengojë dhe as nuk do të na ndalojë nga lufta jonë për të mbrojtur shtetin ligjor kundër krimit të organizuar dhe korrupsionit në të gjithë territorin e Republikës sonë. I bëj thirrje Serbisë që të dënojë dhe distancohet nga sulmet e dhunshme terroriste ndaj policisë sonë, disa prej të cilëve policë të sulmuar ishin serbë të Kosovës”, ka thënë Kurti.
