Aksident i rëndë në portin e Durrësit, humb jetën punëtori 19-vjeçar i ngarkim-shkarkimit
Nga OraNews Përditësimi i fundit 15 Prill 2022, 14:52
Një aksident i rëndë ka ndodhur pasditen e sotme brenda portit të Durrësit, ku është aksidentuar një punonjës.
Punonjësi raportohet se është tërhequr zvarrë nga një vinç i rëndë i shkarkimit të kontenierëve.
Ai është nisur në gjendje të rëndë për në spitalin e Durrësit, por ka humbur jetën në urgjencë.
Trupi i pajetë është dërguar në morg.
"Rreth orës 14:30, në sheshin e kontenierëve në Portin e Durrësit, është aksidentuar në punë shtetasi R. G., 19 vjeç, punëtor ngarkim-shkarkimi, i cili për pasojë ka ndërruar jetë në spital".
Rrethanat e ngjarjes nuk dihen ende. Grupi hetimor ndodhet në vendngjarje dhe po punon për sqarimin e rrethanave.
