Si nëpër filma! 20 vjeçari në kërkim për kokainë shtyp civilin e antidrogës italiane me makinë, arratiset
Nga OraNews Përditësimi i fundit 14 Prill 2022, 19:35
Një ngjarje si nëpër filma ka ndodhur në Itali mes një të riu shqiptar dhe efektivëve italianë.
Mediat e huaja, bëjnë me dije se një 20-vjeçar shqiptar i ka shpëtuar policisë, teksa kjo e fundit po e arrestonte duke qenë se i riu emri i të cilit nuk është bërë publik po kërkohej për trafik droge.
Si ndodhi ngjarja?
Policia italiane ishte vënë në kërkim të 20 vjeçarit shqiptar pasi ai dyshohej për trafik droge.
Kur i riu shqiptar është pikasur në Viale Borri në Varese nga agjentët e antidrogës të veshur si civilë teksa lëvizte me një Opel Meriva, ata e kanë ndaluar atë. Në atë moment 20 vjeçar e ka kuptuar se ata janë efektivë të policisë italiane dhe ka ndezur makinën e tij duke goditur me mjetin e tij dhe njërin prej efektivëve.
Efektivi i policisë përfundoi në spital, dhe për fat të mirë jashtë rrezikut për jetën. Në këtë moment shqiptari i ka ikur policisë.
Kjo e fundit kërkoi 20-vjeçarin, por pa rezultat pasi ata gjetën vetëm makinën e të riut.
Në po të njëjtin operacion, policia italiane arrestoi një nga bashkatdhetarët e 20 vjeçarit të cilët kërkoheshin gjithashtu për kokainë dhe marijuanë.
Agjentët e antidrogës zbarkuan në prej shtëpive të tyre duke arrestuar një 34-vjeçar shqiptar, i kërkuar për posedim dhe trafik droge. Ai u kap me 1 kilogramë kokainë dhe tre kilogramë marijuanë.
