Të lidhur ngushtë me Abramovich, Mbretëria e Bashkuar sanksionon dy oligarkë të tjerë kyç rusë
Nga OraNews Përditësimi i fundit 14 Prill 2022, 19:28
Qeveria e Mbretërisë së Bashkuar ka sanksionuar 2 oligarkë të tjerë të lidhur me miliarderin rus Roman Abramovich, i cili zotëron klubin e futbollit Chelsea.
Drejtorit të klubit, Eugene Tenenbaum, do t'i ngrihen asetet e tij dhe do t'i nënshtrohet sanksioneve të transportit, që do të thotë se çdo anije ose aeroplan që ai zotëron, kontrollon ose operon do të ndalohet nëse hyn në Mbretërinë e Bashkuar.
David Davidovich, një bashkëpunëtor i Ambramoviç, është subjekt i sanksioneve të ngjashme.
Ngrirja e aseteve vlerësohet se arrin në 10 miliardë paund.
Sekretarja e Jashtme e Mbretërisë së Bashkuar, Liz Truss, tha se qeveria "po shtrëngon pengesat në makinën e luftës së Putinit dhe po synon rrethin e njerëzve më të afërt me Kremlinin".
"Asgjë dhe askush nuk është jashtë tavolinës”, shtoi ajo.
Masat e çojnë numrin total të të sanksionuarve nga Britania e Madhe që nga pushtimi i Rusisë në 106.
