Ndarja e Shqipërisë nga Maqedonia? Grubi në Kongresin e PS: Sa më shumë largohet Brukseli aq më shumë afrohet Moska

Nga OraNews Përditësimi i fundit 9 Prill 2022, 09:34

Si asnjëherë më parë Kongresi i Partisë Socialiste ka dalë nga sallat e mbyllura të Pallatit të Kongresit duke u zhvendosur në qiell të hapur.

Katër panele me tema të ndryshme, dhe të përshtatur sipas temën. Te bujqësia nuk munguas as kubikët me kashtë, e më tej shëndetësia, teknologjia etj.

Paneli i sigurisë ishte ai që ndryshonte në pamje, duke ulur pjesëmarrësit nga trevat shqiptare në një tryezë të rrumbullakët.

Përgjatë diskutimeve folësit ndanë mendimin në domosdoshmërinë e bashkëpunimit dhe bashkimin e shqiptarëve në integrimin në BE.

Ndërsa zëvendëskryeministri, Artan Grubi, i është përgjigjur ndryshe propozimit të Ramës për ndarjen e Shqipërisë në procesin e negociatave me unionin.

"Sa më shumë largohet Brukseli aq më shumë afrohet Moska. Sa më pak të kemi Europë në Ballkan aq më shumë kërkohet fushëveprim për Rusinë. Zëri i bashkuar i shqiptarëve në Ballkanin Perëndimor duhet të jetë shtylla kurrizore e frymës euroamerikane të rajonit."

Madje ai kërkon më shumë dialog mes shqiptarëve si faktor vendimmarrës në rajon.

"Asnjë vendim për terësinë e rajonin dhe gjashtëshen e Ballkanit Perëndimor nuk merret dot pa pajtueshmërinë tonë ndaj nuk duhet ti druhemi iniciativave dialoguese dhe bashkëpunuese."

Olta Xhaçka nga ana e saj ka sjellë në vëmendje se qëndrimi për Open Ballkan nuk do të thotë ndryshim të qëndrimit sa i përket Kosovës.

"Mbështetje për dialogun mes Kosovës dhe Serbisë që të përfundojë në njëjtën e Kosovës si shtet nga Serbia. Kjo është arsyeja pse po punojmë kaq shumë për bashkëpunimin rajonal për të kapur kohën e humbur, jo si alternativë nga BE dhe jo si lënie pas dore e kauzës së shqiptarëve, por si rruga e vetme për të avancuar njëkohësisht të dyja këto kauza."

Në panel nuk munguan as propozimet për krijimin e strukturave të përbashkëta, teksa u vu theksi te pesha që ka Tirana zyrtare në një unifikim të qëndrimeve kombëtare.

"Të krijojmë 2 apo 3 forca të sigurisë apo të ndërtojmë një forcë të përbashkët sigurie me elementë dhe segmentë të caktuar në Shqipëri, Kosovë dhe Maqedoni. Roli kryesor duhet të jetë i Tiranës zyrtare në drejtim të kordinimit të ndërtimit të një force që mund të jetë e ndarë por me një qëllim të bashkuar për të mbrojtur trungun kombëtar dhe shqiptarët në gjithë rajonin."

Ndarja e Shqipërisë nga Maqedonia? Grubi në Kongresin e PS: Sa

Agjenda e Plotë:

Kongresi i Partisë Socialiste nis punimet e tij në orën 9.30.

Në pjesën e parë do të jenë 5 panele që do të zgjasin nga ora 9.30-11.30:

-Rinia, Inovacioni, Fëmijet

Vendi: Kollonat mes Sheshit Italia dhe Sheshit Nënë Tereza

-Rajoni, Europa, Siguria

Vendi: Holli i Pallatit të Kongreseve

-Bujqësia dhe Siguria Ushqimore

Vendi: Sheshi Nënë Tereza

-Energjia, Mobiliteti, Mjedisi

Vendi: Sheshi Italia

-Shëndetësia dhe Mbrojtja Sociale

Location: Hapesira para hyrjes se Pallatit te Kongreseve

Pjesa e dytë nis në 12:00 - HAPJA E PUNIMEVE me fjalën e Sekretarit të Përgjithshëm, Damian Gjiknuri, mbi pjesën organizative dhe politike të PS

KËSHILLIMI KOMBËTAR – Paraqitje e rezultateve të procesit dhe objektivat. Elisa Spiropali.

ANGAZHIMI NË POLITIKË – Hapja dhe fuqizimi i Partisë Socialiste. Ditmir Bushati.

PËRFAQËSIMI i qytetarëve dhe PËRGJEGJËSITË e mazhorancës. Taulant Balla.

Fjala e Kryetarit të Partisë Socialiste z. Edi RAMA.

B)Sesioni i punimeve formale -Çelja e pjesës organizative.

STATUTI – Prezantimi i paketës së ndryshimeve në Statutin e PSSH-së. Blendi Klosi.

DIGJITALIZIMI – Prezantim i platformës së re digjitale. Etjen Xhafaj  

DISKUTIME – Hapje e diskutimeve të lira nga delegatët e Kongresit.

MBYLLJA E PUNIMEVE TË KONGRESIT