“Digju në Ferr Albright” Beogradi përkujton me protesta sulmin e NATO-s mbi Serbi
Nga OraNews Përditësimi i fundit 24 Mars 2022, 20:08
Ndërsa shënohet 23-vjetori i ndërhyrjes së NATO-s në Serbi në Beograd janë zhvilluar protesta për përvjetorin e ndërhyrjes se NATOS dhe në mbështetje të Rusisë.
Protestuesit shihet të mbajnë flamurin serb dhe simbole nacionaliste, ndërsa lexohen ehde pankarta “Digju në Ferr Albright”.
Ish-sekretarja e parë femër e shtetit amerikan, Madeleine Albright ndërroi jetë ditën e djeshme dhe ishte një mbështetëse e fortë e pavarësisë së Kosovës.
Një monument në Kosovë, një gjarpër me emrin e saj në Serbi. Madeleine Albright ishte ose e dashur ose e urryer në Ballkan për rolin e saj kryesor gjatë luftërave të rajonit të Evropës Jugore të viteve 1990.
Albright u bë sekretare gjatë administratës së Klintonit në vitin 1997. Ajo e identifikoi veten aq fort me shtytjen për një ndërhyrje perëndimore në Kosovë sa kritikët e saj e quajtën konfliktin e viteve 1998-1999 atje "Lufta e Madeleine".
Ajo mbrojti bombardimin 78-ditor të Jugosllavisë së udhëhequr nga serbët nga ana e NATO-s që ndaloi një goditje të përgjakshme serbe kundër shqiptarëve të Kosovës.
Albright punoi gjithashtu për të sjelljë para drejtësisë të gjithë individëve përgjegjës për krimet e luftës të kryera në Ballkan, duke përfshirë ish-presidentin serb Slobodan Millosheviç dhe udhëheqësin serb boshnjak të kohës së luftës, Radovan Karaxhiç.
Për këtë, Albright u shpall si “serbo urrejtëse” në Serbi dhe heroinë në Kosovë dhe Bosnje.
“Ajo do të mbahet mend në Serbi si një grua e pamëshirshme, një nga avokatet më të zëshme të bombardimeve të Jugosllavisë dhe pavarësisë së Kosovës”, tha të enjten gazeta proqeveritare Vecernje Novosti.
Zyrtarët serbë qëndruan kryesisht të heshtur për vdekjen e Albright pa ofruar ngushëllime.
