Çfarë është diplopia. Shikimi i dyfishtë që po shkatërron karrierën e kampionit absolut në Moto GP
Nga OraNews Përditësimi i fundit 22 Mars 2022, 13:23
Marc Marquez është një nga pilotët më të mirë në histori, ai që ndoshta rivalizoi dhe mundi të famshmin Valentino Rossi në pistë.
Gjashtë herë kampion bote, 4 prej tyre radhazi në Moto GP ndërsa sot ai pothuajse ka prekur fundin jo në pistë por për shkak të problemeve shëndetësore.
29-vjecari spanjoll vuan nga diplopia ose e thënë ndryshe sëmundja e shikimit të dyfishtë, pra çdo objekt ai e shikon dyshe.
Sezoni i kaluar ishte një makth kur iu shfaq dy herë ky problem dhe këtë fillim sezoni dukej sikur i kishte kaluar.
Por gjatë xhiros së nxemjes në Indonezi, ai shfaqi sërish probleme dhe gjatë kontrollit tek okulisti i tij i besuar u konfirnua se diplopia është shfaqur për herë të tretë.
Një situatë e tillë mund të ndikojë shumë keq, madje flitet për një fund të parakohshëm të karrierës së pilotit të Hondës i cili nuk po arrin të ngrejë më kokë që pas vitit 2019./Ora News/.
