Polonia bën thirrje për një mision paqeruajtës ndërkombëtar në Ukrainë
Nga OraNews Përditësimi i fundit 16 Mars 2022, 09:45
Zëvendëskryeministri i Polonisë Jaroslaw Kaczynski bën thirrje për dërgimin e një misioni paqeruajtës ndërkombëtar në Ukrainë. Kjo u propozua pas një takimi të martën me krerët e Polonisë, Sllovenisë, Republikës Çeke dhe Ukrainës në Kiev.
"Unë besoj se nevojitet një mision paqeje i NATO-s ose një mision më i gjerë traktati ndërkombëtar, i cili do të jetë në gjendje të mbrojë veten dhe që do të veprojë në Ukrainë," tha Kaczynski, sipas zyrës së kryeministrit polak.
“Unë do të doja t'i referohem ndërgjegjes së liderëve evropianë, parimeve që ata shpallin, sepse Ukraina ka nevojë për ndihmë"
Ministrat e mbrojtjes të NATO-s priten të takohen sot në Bruksel.
Ministri britanik i Mbrojtjes Ben Wallace tha se detajet duhen parë përpara se të merret një vendim për forcat paqeruajtëse, "ne duhet të vazhdojmë të tregojmë - në veprim - mbështetjen tonë për Ukrainën dhe liritë e tij dhe jo vetëm të flasësh”.
Deklarata e tij u bë sot teksa mbërriti në selinë e NATO-s në kryeqytetin belg.
