SHBA sanksionon më shumë elitën ruse dhe personat në rrethin e ngushtë të Putinit
Nga OraNews Përditësimi i fundit 12 Mars 2022, 22:47
Departamenti Amerikan i Thesarit sanksionoi të premten “elita, liderë, oligarkë” të tjerë të Kremlinit dhe disa nga anëtarët e familjeve të tyre për “mundësimin e luftës së Putinit kundër Ukrainës”, tha departamenti në një deklaratë.
Të sanksionuarit përfshinin tre anëtarë të familjes së zëdhënësit të presidentit rus Vladimir Putin, Dmitry Peskov, manjatin rus Viktor Vekselberg dhe 10 anëtarë të bordit drejtues të Bankës VTB të sanksionuar. Gjithashtu u sanksionuan 12 anëtarë të Dumës Shtetërore Ruse, duke përfshirë kryetarin Vyacheslav Volodin dhe kryetarin e Partisë Komuniste të Rusisë, Genadi Zyuganov.
Sanksionimi i Zyuganov në veçanti mori mbulim në mediet shtetërore ruse në orët në vijim.
Peskov u sanksionua më 3 mars si "propagandist kryesor" i Federatës Ruse. Por të premten, gruaja e Peskov, Tatiana Navka dhe dy nga fëmijët e rritur të Peskov – Nikolay Peskov dhe Elizaveta Peskova – u sanksionuan gjithashtu.
Tatiana Navka, e cila fitoi një medalje të artë në vallëzimin në akull në Lojërat Olimpike të 2006-ës, ka një "perandori pronësore me vlerë më shumë se 10 milionë dollarë", sipas deklaratës së Departamentit të Thesarit.
Dy nga asetet luksoze të Vekselberg, një avion Airbus A319-115 dhe një jaht i quajtur Tango – secili me vlerë rreth 90 milionë dollarë secili – u identifikuan si pronë e bllokuar, thuhet në deklaratë, raporton CNN.
